खुल्लामञ्चमा अनसन छोडेर अष्ट्रेलिया पुगेका उपेन्द्र यादवको यात्रा यसरी बन्यो असफल
नयाँ संविधानप्रति असन्तुष्ट जनाउँनुका साथै संविधानको पुर्नलेखनको माग गर्दै आन्दोलनमा उत्रका यादवलाई अष्ट्रेलियाका नेपालीहरुले सोधेको प्रश्नको जवाफ दिन नसक्दा भ्रमण निकै खल्लो भएको बताईएको छ ।
नेपालीहरुले मधेसी दलको नेता भन्दा पनि किन पहाडी, मधेसी र तराईको साझा नेता बन्न नसकेको ? भन्ने प्रश्न सोधेका थिए । अष्ट्रेलियामा रहेको संघीय समाज अष्ट्रेलियाको अधिवेशनमा सहभागी भएका यादवसँग भएको अन्तर्क्रिया र परिचयात्मक कार्यक्रममा अध्यक्ष यादवले नेपालीहरुको विभिन्न प्रश्नको सामना गर्नु परेको थियो ।
कार्यक्रममा एनआरएनका अध्यक्ष सुरेन्द्र सिग्देलले नेपालमा सुशासन र लगानीको ग्यारेन्टी भए विदेशमा रहेका आफुहरुजस्ता प्रवासी नेपालीहरु लगानीका लागि तयार रहेको बताए । एनआरएन ओसिनिया संयोजक महेन्द्र लम्सालले गठबन्धनको आन्दोलनको उद्देश्यमा नै नेताहरु प्रष्ट नदेखिएको भन्दै आन्दोलनको उद्देश्य प्रष्ट हुनुपर्ने बताए ।
अष्ट्रेलियाको लेबर पार्टीकी सांसद सोफी कोस्टिस, क्यान्टबरीका पूर्वउपमेयर कार्ल सालेह, महावाणिज्यदुत दीपक खड्का लगायतको कार्यक्रममा पहाडी, मधेसी र तराईवासी नेपालीहरुको साझा नेता हुन किन नसकेको भन्दै प्रश्न गरेका थिए ।
अध्यक्ष यादवले दिगो सरकार नबनेसम्म नेपालका सबै समस्याहरु समाधान हुन नसक्ने दाबी गरे । मधेसीहरु राष्ट्रवादी भएको र आफुहरुले अहिलेसम्म देशको अहितमा कुनै पनि काम नगरेको दाबी गर्दै यादवले अन्य राजनीतिक दलहरुले नै राष्ट्रमा अहित हुने कामहरु गरेको बताए
Don't Forget To Join US Our Community